Eira

Pequena colleita

aeiraderebeca — Tue, 17 Jun 2008 21:27:43 +0000

A nosa primeira sementeira non tuvo moito éxito, non tuvemos moito tempo nin para arrincar as mínimas herbas así que a primeira colleita…por dicir algo, foi ben pequena , eso sí, suficiente para animarse a plantar as hortalizas de verán; algúns dirán que xa é tarde pero como este tempo tolo que temos nos tivo a remollo os meses de primavera pois nós imos probar a sementar algo, a ver que pasa. Déixovos unhas fotos das primeiras acelgas ecolóxicas que comemos onte, que non sei por qué será pero soubéronos a gloria.

Simplemente cortei unhas patacas en dados pequenos, cocinas , fixen unhas setas tipo ostra na plancha e despois refoguei todo cun alliño e as acelgas, unha cousa sinxela para poder saborear ben a hortaliza.

XA EMPEZA A VERSE ALGO…!!

aeiraderebeca — Wed, 26 Mar 2008 00:12:24 +0000

Este finde fumos ver as nosas plantiñas e a plantar as patacas dunha maneira un pouco innovadora que xa vos contaremos no seu momento. A verdade e que o pobre sementeiro estuvo un pouco solo pero aínda así xa nos dou algunhas alegrías, virades algunha vez as primeira follas dun calabacín? e das coliflores? eu confeso que non ; máis familiares me foron os chícharos e as fresas e como non as chusquiñas acelgas , parece mentira que cheguen a medrar tanto ( toco madeira ). O seguinte paso agora é transplantar as plantiñas á horta definitiva…ufff!!

Levaba todo o día ameazando con chover así que despois da visita ás pequerrechas decidimos plantar uns castiñeiros que xa lles era hora demáis, levaban case dúas semanas esperando nun caldeiro con terra, conseguimos plantalos todos, a ver se prenden que José de Suarez díxonos que xa era un pouco tarde para plantalos. Aquí os tedes:

E como non pouco despois chegou o esperado :

Achegándonos…

aeiraderebeca — Thu, 20 Mar 2008 22:45:44 +0000

Hola a todos!! estamos contentos de estar por fin aquí, na rede, do outro lado… ben que nos custou…

A alma dun blog e ter algo que contar ¿ non ?, bueno, pois nos queremos compartir os albores da nosa experiencia coa agricultura ecolóxica, bueno, coa agricultura en xeral porque aínda que medramos entre fincas sabemos ben pouco de sementes, terra, colleitas, apeiros…pero esperamos aprender e como non recoller froitos, raíces e follas.

Como un primeiro e fecundo achegamento temos que contar a nosa visita a As Anzas, na parroquia de Cubelas ( Ribadeo); alí Elia e Vicente, pioneiros en Galicia do ecolóxico, recibíronnos na súa fermosa e arrecendora horta e ensináronnos o que para nós eran auténticos e valiosos segredos : o tempero da terra, o abono verde, o arado catalán, as rotacións dos cultivos, a fauna útil, a maxia das feiras… A pena foi que non puidemos estar moito tempo pero hemos volver pronto porque ademáis da súa necesaria sabedoría regaláronnos unha encantadora mañá.Moitísimas gracias!!!